საქართველოს სარკინიგზო ტრანსპორტის რეფორმის I ფაზის ფარგლებში (2023-2024), ხორციელდება სარკინიგზო უსაფრთხოების შესახებ (EU) 2016/798 დირექტივის დანერგვა, რომლის შესრულებაც გათვალისწინებულია ევროკავშირთან გაფორმებული ასოცირების შესახებ შეთანხმებით.

დირექტივა ადგენს დებულებებს სარკინიგზო სისტემის უსაფრთხოების განვითარებისა და გაუმჯობესების უზრუნველსაყოფად და განსაზღვრავს პასუხისმგებლობებსა და ვალდებულებებს სარკინიგზო დარგის სუბიექტებისთვის.

დირექტივის ძირითადი დებულებები მოიცავს:

• უსაფრთხოების ეროვნული ორგანოს შექმნის მოთხოვნას;
• სარკინიგზო ინციდენტებისა და სარკინიგზო შემთხვევების გამოძიების ორგანოს შექმნის მოთხოვნას;
• სარკინიგზო საწარმოების სერტიფიცირების საკითხს;
• ინფრასტრუქტურის მენეჯერების ავტორიზაციის საკითხს;
• ტექნიკურ მომსახურებაზე პასუხისმგებელი პირების და ტექნიკური მომსახურების ფუნქციების შემსრულებელი პირების სერტიფიცირების საკითხს;
• უსაფრთხოების მართვის სიტემის შექმნის ვალდებულებას სარკინიგზო საწარმოების და ინფრასტრუქტურის მენეჯერების მხრიდან;
• ტექნიკური მომსახურების უსაფრთხოების მართვის სიტემის შექმნის ვალდებულებას ტექნიკურ მომსახურებაზე პასუხისმგებელი პირების მხრიდან;
• უსაფრთხოების საერთო მეთოდებს (CSMs), რომლებიც აღწერენ თუ როგორ ფასდება უსაფრთხოების დონეები, უსაფრთხოების მიზნების მიღწევა და უსაფრთხოების სხვა მოთხოვნებთან შესაბამისობა;
• სარკინიგზო უსაფრთხოების მონიტორინგს - დარგის სუბიექტების მხრიდან;
• ზედამხედველობას სარკინიგზო უსაფრთხოებაზე - უსაფრთხოების ეროვნული ორგანოს მხრიდან.

დირექტივის იმპლემენტაციის შედეგად:

• ამაღლდება სარკინიგზო უსაფრთხოების დონე;
• დარგში მოქმედი სუბიექტების მხრიდან გაიზრდება სახელმწიფოს წინაშე ანგარიშვალდებულება;
• გაუმჯობესდება დარგის გამჭვირვალობის ხარისხი;
• გაუმჯობესდება უსაფრთხოების მართვის ხარისხი.

საკანონმდებლო ცვლილებები:

ნაწილობრივ განხორციელდა 2023 წელს საქართველოს სარკინიგზო კოდექსში შეტანილი ცვლილებების საფუძველზე. დირექტივის ძირითადი პრინციპები ასახულია საქართველოს კანონმდებლობაში, რაც ქმნის სამართლებრივ საფუძველს სრული დაახლოებისთვის.

საკინიგზო ტრანსპორტის სააგენტოს როლი:

(EU) 2016/798 დირექტივა მნიშვნელოვანი კომპონენტია საქართველოს სარკინიგზო სისტემის უსაფრთხოებისა და ეფექტურობისთვის. სააგენტოს როლი ამ დირექტივის იმპლემენტაციის პროცესში, მოიცავს ეროვნული სარკინიგზო სექტორის დაახლოებას ევროპულ სტანდარტებთან, ეროვნული კანონმდებლობის შექმნასა და შესრულებაზე ზედამხედველობას. დირექტივის ეტაპობრივი ჰარმონიზაცია და განხორციელება, უზრუნველყოფს სისტემურ მიდგომას სარკინიგზო უსაფრთხოებასთან მიმართებით.