სააგენტოს ძირითად საქმიანობის სფეროს წარმოადგენს სარკინიგზო ტრანსპორტის სექტორის რეგულირებისთვის ძლიერი ინსტიტუციურ-სამართლებრივი ბაზის შექმნა, საქართველოში სარკინიგზო უსაფრთხოების საერთაშორისო და ევროპულ სტანდარტებთან შესაბამისობის უზრუნველყოფა, უფრო უსაფრთხო და ეფექტური სარკინიგზო სისტემის ჩამოყალიბების მიზნით.

სააგენტოს ძირითადი ფუნქციები მოიცავს, მაგრამ არ შემოიფარგლება შემდეგით:

• სარკინიგზო საწარმოსთვის უსაფრთხოების სერტიფიკატის გაცემა, განახლება, შეჩერება და გაუქმება;

• ინფრასტრუქტურის მენეჯერისთვის უსაფრთხოების ავტორიზაციის მინიჭება, განახლება, შეჩერება და გაუქმება;
• ინფრასტრუქტურის მენეჯერისა და სარკინიგზო საწარმოს ინსპექტირების, მონიტორინგისა და ზედამხედველობის განხორციელება;
• უსაფრთხოების სერტიფიკატისა და უსაფრთოხების ავტორიზაციის ფორმების შემუშავება და დამტკიცება;
• მემანქანის მართვის მოწმობისა და სერტიფიკატის ფორმების შემუშავება და დამტკიცება, ასევე მემანქანის მართვის მოწმობის გაცემა, დადასტურება და აღდგენა;
• უსაფრთხოების წესების/ტექნიკური რეგლამენტების შესრულების ზედამხედველობა;
• სახიფათო ტვირთის რკინიგზით გადაზიდვის წესების შემუშავება;
• რკინიგზით მგზავრების გადაყვანასა და ტვირთის გადაზიდვასთან დაკავშირებული უსაფრთხოების წესების/ტექნიკური რეგლამენტების შემუშავება.

სსიპ - სარკინიგზო ტრანსპორტის სააგენტოს დებულება