საზოგადოებრივი მომსახურების ვალდებულება

საზოგადოებრივი მომსახურების ვალდებულება უზრუნველყოფს სარკინიგზო სამგზავრო ტრანსპორტის რეგულარულ, ხელმისაწვდომ და ხარისხიან მომსახურებას საქართველოში. საქართველოს სარკინიგზო ტრანსპორტის სააგენტო, როგორც საზოგადოებრივი მომსახურების კომპეტენტური ორგანო, უზრუნველყოფს ამ ვალდებულების შესრულებას სარკინიგზო სისტემის ეფექტურობის, უსაფრთხოებისა და ხელმისაწვდომობის გაუმჯობესების მიზნით.

რას გულისხმობს საზოგადოებრივი მომსახურების ვალდებულება ?

საქართველოს სარკინიგზო ტრანსპორტის სააგენტოს პასუხისმგებლობები

• რეგულირება და ზედამხედველობა: უზრუნველყოფს სარკინიგზო ოპერატორის მიერ საზოგადოებრივი მომსახურების ვალდებულების პირობების დაცვას რეგულარული, უსაფრთხო და ხარისხიანი მომსახურებისთვის;
  
• ხელშეკრულების მართვა და ადმინისტრირება: სარკინიგზო ოპერატორთან საზოგადოებრივი მომსახურების ხელშეკრულების გაფორმება და შემდგომი მართვა;
• უსაფრთხოება და ხარისხის უზრუნველყოფა: უსაფრთხოებისა და ხარისხის სტანდარტების უზრუნველყოფა და მონიტორინგი;
• კომპენსაციის მექანიზმები: სარკინიგზო ოპერატორისთვის კომპენსაციის გაანგარიშება და გაცემა, მის მიერ გაწეული არაკომერციული, მაგრამ, აუცილებელი მომსახურების უზრუნველყოფის მიზნით;
• მარშრუტების მართვა: სარკინიგზო მიმართულებების განსაზღვრა, რომლებიც მოექცევა საზოგადოებრივი მომსახურების ვალდებულების ფარგლებში და რომლებზეც გაიწევა სარკინიგზო სამგზავრო გადაყვანის მომსახურება;
• სატარიფო პოლიტიკა: საზოგადოებრივი მომსახურების მიმართულებებზე მგზავრობის ტარიფების დამტკიცება.

(EC) 1370/2007 რეგულაცია საზოგადოებრივი სამგზავრო სარკინიგზო და საავტომობილო ტრანსპორტის მომსახურებების შესახებ

ეს რეგულაცია შეეხება ევროკავშირში საზოგადოებრივი სამგზავრო ტრანსპორტის მომსახურების ორგანიზებასა და დაფინანსებას. იგი მიზნად ისახავს აღნიშნული მომსახურების შიდა ბაზრის შექმნას. ამასთანავე, წევრ ქვეყნებს საშუალება ეძლევათ განსაზღვრონ მომსახურების პირობები მათი საჭიროებების გათვალისწინებით. საქართველოს კანონმდებლობის დაახლოების ვალდებულება ხსენებულ რეგულაციასთან განსაზღვრულია საქართველოსა და ევროკავშირს შორის არსებული ასოცირების შესახებ შეთანხმებით.

საზოგადოებრივი მომსახურების ვალდებულების მნიშვნელობა

• ხელმისაწვდომობა: მგზავრების უზრუნველყოფა სანდო და ხელმისაწვდომი სარკინიგზო მომსახურებით;
• მდგრადობა: ეკოლოგიურად სუფთა და ეფექტური ტრანსპორტის ხელშეწყობა;
• ეკონომიკური განვითარება: რეგიონების ეკონომიკურ ცენტრებთან დაკავშირება და ტურიზმის ხელშეწყობა;
• სოციალური ჩართულობა: მომსახურების მიწოდება ყველასთვის, მათ შორის, შეზღუდული შესაძლებლობის მქონე პირებისთვის.

საზოგადოებრივი მომსახურების ვალდებულება მნიშვნელოვანი მექანიზმია საქართველოში მაღალი ხარისხის, ხელმისაწვდომი და მდგრადი სარკინიგზო მომსახურების განვითარებისთვის. საქართველოს სარკინიგზო ტრანსპორტის სააგენტოს ჩართულობა საზოგადოებრივი მომსახურების ვალდებულების რეგულირებასა და მართვაში, საზოგადოებრივი სამგზავრო სარკინიგზო და საავტომობილო ტრანსპორტის მომსახურებების შესახებ (EC) 1370/2007 რეგულაციისა და ასოცირების შეთანხმებით ნაკისრი ვალდებულებების შესაბამისად, აუცილებელი კომპონენტია სარკინიგზო სისტემის შემდგომი განვითარებისა და გაუმჯობესებისთვის.