მატარებლის მემანქანის სასერტიფიკატო სწავლება გულისხმობს იმ კონკრეტული მოძრავი შემადგენლობის  და იმ კონკრეტული ინფრასტრუქტურის მონაკვეთის სასერტიფიკატო სწავლებას (მარშრუტის პირობების ცოდნის, ექსპლუატაციის წესებისა და პროცედურების ჩათვლით) რომელზედაც პირს სურს მიიღოს მატარებლის მემანქანის სერტიფიკატი.

პირისათვის მატარებლის მემანქანის სასერტიფიკატო სწავლების გავლას უზრუნველყოფს მატარებლის მემანქანის დამსაქმებელი სარკინიგზო საწარმო ან ინფრასტრუქტურის მენეჯერი. 

მოქმედ გამომცდელს შეუძლია ნებისმიერ დროს მიმართოს სააგენტოს, აღიარების სტატუსში ცვლილების შესატანად, რომელიც მიზნად ისახავს კანონმდებლობით განსაზღვრული კომპეტენციის სფერო(ებ)ის დამატებას. 

თუ  ცვლილების შეტანა საჭიროა გამომცდელად აღიარების სტატუსში, რადგან მასში მითითებული კომპეტენციის ერთი ან მეტი მიმართულების მოთხოვნებს ვეღარ აკმაყოფილებს აღიარებული გამომცდელი, აღიარებულმა გამომცდელმა დაუყოვნებლივ უნდა შეწყვიტოს გამოცდების ჩატარება ამ მიმართულებით.

თუ სასერტიფიკატო გამოცდის ინსპექტირების შედეგები ადასტურებს, რომ გამომცდელი ვერ აკმაყოფილებს გამომცდელად აღიარების მოთხოვნებს, სააგენტო უფლებამოსილია გააუქმოს ან შეაჩეროს გამომცდელად აღიარების სტატუსი.

სააგენტო უფლებამოსილია გამომცდელად აღიარების სტატუსის შეჩერებამდე ან გაუქმებამდე  ხარვეზის გამოსასწორებლად გამომცდელს განუსაზღვროს ვადა, რომლის ფარგლებშიც გამომცდელს შეუძლია შეცვალოს თავისი პრაქტიკა, რათა კვლავ დააკმაყოფილოს გამომცდელად აღიარების მოთხოვნები.