მატარებლის მემანქანის მოქმედი მართვის მოწმობის შენარჩუნების მიზნით, მართვის მოწმობის მფლობელს უნდა ჩაუტარდეს პერიოდული სამედიცინო შემოწმება.

პერიოდული სამედიცინო შემოწმება უნდა ჩატარდეს მინიმუმ 3 წელიწადში ერთხელ 55 წლის ჩათვლით ასაკის პირებისთვის, ხოლო ყოველ წელიწადს - 55 წელს ზემოთ მყოფი პირების შემთხვევაში.

მატარებლის მემანქანის მართვის მოწმობაში ცვლილების შეტანა ხდება, როდესაც მართვის მოწმობაში არსებული მონაცემები არასწორია ან როდესაც მართვის მოწმობაში ასახული მონაცემები საჭიროებს განახლებას (მაგალითად, მემანქანის სახელისა და გვარის ცვლილებისას ან სხვა შემთხვევაში) ასეთ შემთხვევაში მემანქანემ სააგენტოს უნდა მიმართოს განცხადებით, რომელსაც თან უნდა დაურთოს შემდეგი  დოკუმენტაცია:

- მემანქანის პასპორტის ან პირადობის დამადასტურებელი მოწმობის ასლი;

- მემანქანის ჯანმრთელობის ცნობა (ასეთის საჭიროების შემთხვევაში პერიოდულობის დაცვის შესაბამისად);

- მემანქანის ახალი ფოტოსურათი;

- სააგენტოში მომსახურების საფასურის გადახდის დამადასტურებელი დოკუმენტი.

მატარებლის მემანქანის მართვის მოწმობაში ცვლილების შეტანის საფასური შეადგენს - 50 ლარს.

იხილეთ მემანქანის მართვის მოწმობაში ცვლილების შესატანად განცხადების ფორმა. 

მატარებლის მემანქანეთა ჯანმრთელობის მდგომარეობის შეფასებისა და მემანქანის ჯანმრთელობის მდგომარეობის შესახებ ცნობა (ფორმა №IV-100/ა) - უფლებამოსილი პირის მიერ საქართველოს კანონმდებლობით განსაზღვრული წესით გაცემული ცნობა (ფორმა №IV-100/ა), რომელიც ასახავს დაინტერესებული პირის ჯანმრთელობის მდგომარეობის შესაბამისობას სარკინიგზო სატრანსპორტო საშუალების მართვისათვის საჭირო ჯანმრთელობის მდგომარეობის მოთხოვნებთან.

იხილეთ მატარებლის მემანქანეების ჯანმრთელობის შეფასებისა და ჯანმრთელობის მდგომარეობის შემოწმების სამედიცინო მოთხოვნები (გადავიდეს დადგენილების №1 დანართზე) 

მატარებლის მემანქანეთა პროფესიული განათლება გულისხმობს პირის მიერ შესაბამისი პროფესიული საგანმანათლებლო პროგრამის გავლას, სააგენტოს მიერ აღიარებულ სასწავლო ცენტრში.

სააგენტო სასწავლო ცენტრის სტატუს მიანიჭებს იმ პროფესიულ საგანმანათლებლო დაწესებულებას, რომელიც ავტორიზებულია და ახორციელებს მატარებლის მემანქანეთა პროფესიულ სწავლებას.

იხილეთ სააგენტოს მიერ სტატუს მინიჭებული სასწავლო ცენტრების სია. 

პირი უნდა იყოს 18 წლის, მიღებული უნდა ჰქონდეს შესაბამისი პროფესიული განათლება სააგენტოს მიერ აღიარებულ სასწავლო ცენტრში და ჩააბაროს მართვის მოწმობის მისაღები გამოცდა, აგრეთვე,  უნდა აკმაყოფილებდეს კანონმდებლობით განსაზღვრულ ჯანმრთელობის მდგომარეობის მოთხოვნებს.

 მატარებლის მემანქანის მართვის მოწმობის მოქმედების შეჩერება/გაუქმება

მატარებლის მემანქანის მართვის მოწმობის შეჩერება/გაუქმება შესაძლებელია შემდეგ შემთხვევებში:

- ინსპექტირების/მონიტორინგის ფარგლებში გამოვლენილი მემანქანის შეუსაბამობა კანონმდებლობით განსაზღვრულ მოთხოვნებთან, რაც საფრთხეს უქმნის სარკინიგზო უსაფრთხოებას;

- მემანქანის მიერ მართვის მოწმობის მისაღებად წარდგენილია ყალბი დოკუმენტაცია;

- გამოვლინდა სამედიცინო მოთხოვნებთან დაკავშირებული შეუსაბამობა;

- პერიოდული სამედიცინო შემოწმების სიხშირის გათვალისწინებით, დარღვეულია  დადგენილი ვადები;

- ინსპექტირების ფარგლებში გამოვლენილი შეუსაბამობა, რაც დაკავშირებულია სამუშაო პროცესში ალკოჰოლური/ნარკოტიკული ან სხვა ისეთი ნივთიერების გამოყენებასთან, რაც იწვევს მემანქანის კონცენტრაციის დაქვეითებასა და ქცევის ცვლილებას;

- სასამართლოს მიერ სისხლის სამართლის საქმეზე გამოტანილი და კანონიერ ძალაში შესული გამამტყუნებელი განაჩენი მემანქანის მიმართ, რომლითაც პირს ჩამოერთვა მემანქანედ საქმიანობის უფლება ან ჩადენილი დანაშაული იწვევს გონივრულ ეჭვს მემანქანის მიერ მისი საქმიანობის შესრულების შესაბამისობასთან ან/და სარკინიგზო სისტემის უსაფრთხოებასთან დაკავშირებით;

- მოკვლევის ბიუროს ანგარიშის საფუძველზე დადგინდა, რომ სერიოზული სარკინიგზო შემთხვევა განპირობებული იყო მემანქანის მიზეზით, დაუდევრობით ან სამუშაოს მიმართ გულგრილობით;

- ისეთი სარკინიგზო შემთხვევის ან/და სერიოზული სარკინიგზო შემთხვევის დადგომის შემთხვევაში, რომელშიც იკვეთება მემანქანის პასუხისმგებლობა, სარკინიგზო უსაფრთხოებისთვის შექმნილი რისკების გათვალისწინებით.

მატარებლის მემანქანემ, მართვის მოწმობის მოქმედების ვადის გასვლამდე არაუგვიანეს 30 კალენდარული დღით ადრე, სააგენტოს უნდა მიმართოს განცხადებით, რომელსაც თან უნდა დაურთოს შემდეგი  დოკუმენტაცია: 

- მემანქანის პასპორტი ან პირადობის დამადასტურებელ მოწმობის ასლი;

- მემანქანის ჯანმრთელობის ცნობა;

-  მემანქანის ახალი ფოტოსურათი; 

-  სააგენტოში მომსახურების საფასურის გადახდის დამადასტურებელი დოკუმენტი;

- მემანქანის მოქმედი მართვის მოწმობა.

მატარებლის მემანქანის მართვის მოწმობის ვადის გაგრძელების საფასური შეადგენს - 50 ლარს.

იხილეთ განცხადების ფორმა მემანქანის მართვის მოწმობის ვადის გასაგრძელებლად. 

განმცხადებელმა მართვის მოწმობის მიღების მოთხოვნით, სააგენტოს უნდა მიმართოს  მემანქანის მართვის მოწმობის გამოცდის წარმატებით ჩაბარებიდან არაუგვიანეს 12 თვისა. თუ პირი აღნიშნულ ვადაში არ მიმართავს სააგენტოს მართვის მოწმობის დამზადების მოთხოვნით, მან ხელახლა უნდა ჩააბაროს მართვის მოწმობის გამოცდა.

მართვის მოწმობის მისაღები გამოცდის წარმატებით ჩაბარების შემთხვევაში, პირმა სააგენტოს უნდა მიმართოს განცხადებით, რომელსაც თან უნდა დაურთოს შემდეგი დოკუმენტაცია:

- პასპორტის ან პირადობის დამადასტურებელი მოწმობის ასლი;

- პროფესიული განათლების დამადასტურებელი დოკუმენტი;

- მემანქანის ჯანმრთელობის ცნობა;

- სააგენტოში მომსახურების საფასურის გადახდის დამადასტურებელი დოკუმენტი.

მატარებლის მემანქანის მართვის მოწმობის ვადის გაცემის საფასური შეადგენს - 50 ლარს.

იხილეთ მემანქანის მართვის მოწმობის მისაღებად წარსადგენი განცხადების ფორმა.

მემანქანის მართვის მოწმობა გაიცემა ყველა საჭირო დოკუმენტის სააგენტოში წარდგენიდან 30 კალენდარული დღის ვადაში.